Тоқаев пен Макрон бейресми әңгіме өткізді
Қазақстан мен Франция Президенттері Макрон Қазақстанға келгенде Тоқаев сыйға тартқан тазымен бірге серуендеді, деп хабарлайды Qaz365.kz.
Елисей сарайының бақшасында Қасым-Жомарт Тоқаев пен Эммануэль Макрон бейресми әңгіме өткізді.
Екі елдің басшылары Франция президенті Қазақстанға келген кезде Макронға сыйлаған Жюль мен Жан есімді тазымен бірге серуендеуге шықты.
Франция президенті Эммануэль Макронға Қазақстанға жасаған бұған дейінгі сапарында өзіне қазақы тазының тұқымы ерекше ұнаған болатын. Қасым-Жомарт Тоқаев франциялық әріптесіне тазы сыйлаған.
Еске сала кетейік, Тоқаев қазір Францияда ресми сапармен жүр. Сапар аясында бизнес өкілдерімен кездесулер және президент Эммануэль Макронмен келіссөздер өткізу жоспарланған.
