×

«Төмен адамның Мәжілісте жүргені обал»: Бекболат Тілеухан Ермұрат Бапи туралы айтты

Бекболат Тілеухан Мәжілістегі бірқатар депутаттарға қатысты пікірін айтты

«Төмен адамның Мәжілісте жүргені обал»: Бекболат Тілеухан Ермұрат Бапи туралы айтты
Фото: ашық дереккөздерден

Мәжілістің жаңа шақырылымындағы депутат Ермұрат Бапи экс-депутат Бекболат Тілеуханның көңілінен шықпайды екен, деп хабарлайды Qaz365.kz.

Ол Мәжілісте Руслан Берденов, Айгүл Құспан, сосын Айдарбек Қожаназаровқа көңілі толатынын айтты. Қалғандарына қатысты өз реніші бар. 

«Ал Ринат Рифхатұлы, Ермұрат Бапи, Нартай Аралбайұлы сияқты популист. Өмірі ең төменгі жалақы 300 мың теңге болмайтыны түсінікті ғой. Ашық популизм. Аңғал жұртты алдау. TikТok-та хит болу үшін шығар. Нартай Аралбайұлы да, Ермұрат Бапи де популистер ғой. Олар халықтың көңілінен шығып алып, сосын болашақтағы сөздерін өткізу үшін істеп жүр. Өзіміз жүрдік, технологияның шет жағасын білеміз ғой. Әсіресе, Исламға қарсы сөз айту үшін бедел жинап береді», – дейді Бекболат Тілеухан «Уақыт көрсетеді» бағдарламасында.

Ол осы ретте өзі популист деп айтқан депутаттар туралы пікір де білдіргісі келмейтінін, өзінің дәрежесіне сай еместігін де айтып қалды.

«Әңгіме қылуыма тати ма? Орыстар «Не слишком большие честь» дейді ғой. Сондай әңгіме. Ермұрат Бапи не сөйлеп, не қойғанын білмейді. Қазір сотқа берсем, аяғы аспаннан келеді. Ұлытау облысы, Жезқазған, Сәтбаев қалаларының азаматтарын Сирияға жіберіп, радикал еткен Бекболат дейді. Осыған дәлелі бар ма? Сотқа беруді әлі де ойланып көремін. Негізі, соттасып жүрген ұнамайды. Бірақ, бір жағынан, төмен адамның Мәжілісте жүргені обал. «Аузы жаман ауызды, аяғы жаман төрді былғайды» дегендей нәрсе», – дейді экс-депутат.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Өскеменде алғаш рет Әкелер форумы өтті
16.06.2024ж. 19:21

Өскеменде алғаш рет Әкелер форумы өтті

Әкелер күні 2023 жылдан бері елімізде маусымның үшінші жексенбісінде атап өтіліп келеді
Барша мұсылмандар асыға күтетін қастерлі мерекенің тағылымы зор
Ұлт руханиятының алға басуына, қазақ ғылымының көкжиегін кеңейтуге бар саналы ғұмырын арнаған зиялы, парасатты тұлға еді

Соңғы жаңалықтар

Барлық жаңалық →