LRT құрылысын жалғастыруға 50 миллиард теңге бөлінген
Астана әкімі Жеңіс Қасымбек Орталық коммуникациялар қызметіне елордадағы LRT құрылысы қашан аяқталуы мүмкін екенін айтты, деп хабарлайды Qaz365.kz.
Журналистер LRT 2025 жылы іске қосылуы мүмкін екені туралы ақпарат бұрын да тарағанын атап өтті. БАҚ өкілдері «Бұл мерзімге өзгеріс енгізілуі мүмкін бе?» деп сұрады.
«Сізге құрылыстың нақты қай айда аяқталатынын айта алмаймын. Бұл сұрақ маған бұрын да қойылған. Сонда мен тиісті қаржыландыру болса, 2-2,5 жылдың ішінде аяқталатынын айтқанмын», – деді Жеңіс Қасымбек.
2023 жылдың басында қала әкімі 24.kz арнасындағы «President» бағдарламасында LRT жобасы 2024 жылдың соңына дейін аяқталатынын айтқан.
Айта кетейік, 30 маусымда Астанадағы LRT құрылысын жалғастыруға 50 миллиард теңге бөлінгені хабарланған.
