Автобустың болжамды орны анықталды
Павлодар облысының әкімі Асайын Байханов адамдармен бірге жер астына құлап кеткен автобусты шығару үшін қандай жұмыстар жүргізілетінін айтты, деп хабарлайды Qaz365.kz.
Облыс әкімі әлеуметтік желідегі жазбасында "Майқайың-алтын" АҚ тау-кен телімі ауданындағы опырылған жерді іздеу жұмыстары жалғасып жатқанын айтты. Ол төтенше жағдайлар қызметінің геосканерлеу жұмыстарын жүргізіп, автобустың болжамды орнын анықтағанын еске салды.
"Сканерлеу 15:30-да аяқталды. Нәтижелері өңделді, автобустың болжамды орны анықталды. Оның жоғарғы жиегіне дейінгі тереңдігі шамамен 5-7 метр. Сағат 20:00-де штаб отырысы өтіп, онда шешім қабылданды. Автобусқа түсуі керек шағын экскаватордың шұңқырына траншеяны түсіруге дайындап, құтқарушылардың одан әрі іс-әрекеті бойынша жұмыстарды күшейту керек", – деп жазды әкім.
Ол хабарсыз кеткен құтқарушыларды іздеу жұмыстары тәулік бойы жүргізіліп жатқанын атап өтті.
"Іздеу жұмыстарына барлығы 136 адам, 41 техника, 3 кинологиялық бригада және 2 ұшқышсыз ұшу аппараты (дрон) жұмылдырылған", – деді Байханов.
Еске салайық, 4 қаңтарға қараған түні «Майқайың-алтын» кенішінде төтенше жағдай болды. Шахта жанында жер опырылып, 4 адам мінген автобус тереңдігі 150 метр шұңқырға құлап кеткен.
Апат кезінде автобуста 4 адам болған. Олар – апаттық-құтқару қызметі облыстық филиалының 3 құтқарушысы мен 1 жүргізуші.
4 қаңтарда іздестіру-құтқару жұмыстары барысында екі құтқарушының денесі табылды.
