Бұл отставкаға не әсер еткен болуы мүмкін
«ҚазМұнайГаз» АҚ басқарма төрағасы ауысты. Осыған дейінгі басшы Мағзұм Мырзағалиевті Асхат Хасенов алмастырды, деп хабарлайды Qaz365.kz.
Ол бұған дейін Энергетика вице-министрі болған. Жаңа басшыны ұжымға «Самұрық-қазына» әл-ауқат қоры басқарма төрағасы Нұрлан Жақыпов таныстырды.
Блогер Ербол Еділов сонымен қатар бүгін Маңғыстау облысының әкімі Нұрлан Ноғаев қызметінен кетуі мүмкін деп жазды.
Айта кетейік, Маңғыстаудағы Жетібай мұнай кенішінің 500-дей жұмысшысы желтоқсанның басынан бері ақ қар, көк мұзда далада тұрып, бірнеше ай ереуілдеткен болатын.
Бұл отставкаға осымен байланысты болуы ықтимал.
