Маңғыстау облысындағы кадрлық өзгерістерге қатысты депутаты Бапи пікір білдірді
Жақында Маңғыстау облысында өте көп кадрлық өзгерістер болды. Маңғыстау облыстық полициясы, ҰҚК, прокуратура басшылары отставкаға жіберілді. Сондай-ақ облыс әкімі де ауысты. Осы өзгерістерге қатысты Мәжіліс депутаты Ермұрат Бапи пікір білдірді, деп хабарлайды Qaz365.kz.
«Қалай болғанда да күштік құрлымдардың басшыларын орнынан алғанымен, басқа облыстарға бір-екеуі қызметке тағайындалды. Сондықтан бұл жерде жемқорлық элементтері бар деп ойлаймын. Әлде бір талаптарға байланысты шығар, Маңғыстау облысында тұрғындардың наразылығы көбейіп кетті. Мұнайшылардың да ереуілі көбейді. Қалай болғанда да облыс әкімін ауыстыру – Маңғыстаудағы халықтың аптығын басуға жасалған қадам деп ойлаймын. Әйтпесе, Нұрлан Ноғаев секілді мемлекеттік басқарушы бізде көп емес. Министр болды, өңірлерде әкім болды. Жастайынан мемлекеттік қызметке араласқан жігіт. Біраз уақыттан кейін Ноғаевқа қызмет берілуі тиіс», - дейді Ермұрат Бапи.
Айта кетейік, 16 мамырда мемлекет басшысының жарлығымен Нұрлан Асқарұлы Ноғаев Маңғыстау облысының әкімі лауазымынан босатылды. Орнына Нұрдәулет Қилыбай тағайындалды.
