×

«Рақымшылық жасауға болмайды»: Депутат Кәрім Мәсімовтің кешірім сұрағанына қатысты пікір білдірді

Депутат Ерлан Сайыров пікір білдірді

«Рақымшылық жасауға болмайды»: Депутат Кәрім Мәсімовтің кешірім сұрағанына қатысты пікір білдірді
Фото: ашық дереккөзден

Мемлекетке опасыздық жасағаны және билікті басып алуға тырысқаны үшін сотталған ҰҚК-нің бұрынғы басшысы Кәрім Мәсімов кешірім жасау туралы өтініш білдірген болатын. Осыған қатысты Мәжіліс депутаты Ерлан Сайыров пікір білдірді, деп хабарлайды Qaz365.kz

«Ешқандай ресми ой емес. Менің ойымша, «Отанға опасыздық» деген бап бойынша ешқандай рақымшылық жасауға болмайды. Екінші үлкен мәселе – қазір геосаяси жағдай өте күрделі. Мысалы, олар бүгін рақымшылық алып, ертең шетелге кетіп қалатын болса, олардың Қазақстан мемлекетіне қарсы жұмыс істемесіне кім кепіл? Өйткені, Кәрім Мәсімовтың қаржысы қайтарылған жоқ. Олардың миллиардтаған долларлары шетелдегі банктерде жатыр. Олар өте бай адамдар. Сондықтан менің ойымша, бұл жерде өте жіті қарау керек және мемлекеттің мүддесі тұрғысынан шешім қабылдау керек», – дейді Ерлан Сайыров.

Айта кетейік, былтыр 23 сәуірде ҰҚК бұрынғы төрағасы Кәрім Мәсімов 18 жылға сотталған еді. Үкімді Астананың қылмыстық істер жөніндегі мамандандырылған ауданаралық соты шығарған. Оның мүлкі тәркіленіп, өмір бойы мемлекеттік қызметпен айналысуына тыйым салынды.

Еске салайық, жуырда Кәрім Мәсімов президенттен рақымшылық жасауды өтінгені туралы жазған едік.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Кәрім Мәсімовке рақымшылық беріле ме?
Кеше, 14:41

Кәрім Мәсімовке рақымшылық беріле ме?

Мәсімовтің кешірім беру туралы өтініші 27 маусымда кешірім беру мәселелері жөніндегі комиссияда қаралды
Дәрігер емделушісінің медициналық картасындағы мәліметтерге сүйенген

Соңғы жаңалықтар

Барлық жаңалық →