Жұлдызды жұп 9 жылдан кейін тойларын жасады
Белгілі әнші Айқын Төлепберген мен КешYou тобының экс-солисі Жұлдыз Өмірғали отбасын құрғандарына 9 жыл өткен соң үйлену тойларын жасады, деп хабарлайды Qaz365.kz тілшісі.
Қазақ эстрадасындағы жұлдызды жұптардың бірі – әнші Айқын Төлепберген мен Жұлдыз Өмірғали бірге тұрып жатқандарына тоғыз жыл болғанымен, үйлену тойларын жасап, жұртты тағы бір таңғалдырды.
Әнші Жұлдыз Өмірғали Instagram парақшасына «Бақыттымыз» деп Айқын екеуінің ресми түрде жүзік салып жатқан видеосын жариялады. Артынша стористе Айқынның жүрекжарды сөздерін арнаған видеосында әнші Жұлдызға қосылуы оңай болмағанын және уәдесін орындағанын айтады.
«Жаным Жұлдыз, мен сені жақсы көремін. Мен Жұлдызға үйленем дегенде бәрі қарсы болды. Достарымнан бастап, әке-шешемнен бастап, оқырмандарыма дейін бүкіл дүние жүзі маған қарсы болды. Мама жылады, ана балаларды деп… Бәріміз біргеміз, шүкір. Мен бәріне қарсы шықтым. Қалай қаласам, солай болады, Жұлдызды алам дедім. Ақ көйлек киесің деп уәде бердім. Міне, киді. Мен саған әкең де, күйеуің де, ағаң да, құрбың да сияқты болам дедім» – дейді әнші.
