×

Тоқаев МӘМС жүйесінің қызметін қатаң бақылауға алуды тапсырды

Тоқаев денсаулық сақтау саласына қатысты мәселеге тоқталды

Тоқаев МӘМС жүйесінің қызметін қатаң бақылауға алуды тапсырды
Фото: depositphotos.com

Мемлекет басшысы Қасым-Жомарт Тоқаев Үкіметтің кеңейтілген отырысында Міндетті әлеуметтік медициналық сақтандыру жүйесін сынға алды, деп хабарлайды Qaz365.kz.

«Еліміздің барлық азаматына бірдей жағдай жасап, шын мәнінде көмекке мұқтаж адамдарға жәрдем беру – әлеуметтік мемлекеттің басты міндеті. Қазір мемлекет бюджетінің жартысынан көбі әлеуметтік салаға бөлініп жатыр. Соңғы жылдары  әлеуметтік саладағы инфрақұрылымды дамыту үшін біраз жұмыс атқарылды. Әлеуметтік сала мамандарының, әсіресе педагогтер мен медицина қызметкерлерінің беделін арттыруға баса мән берілді. Енді азаматтарға көрсетілетін қызметтің сапасын жақсарту қажет», – деді Президент.

Тоқаев денсаулық сақтау саласына қатысты мәселеге тоқталды.

«Міндетті әлеуметтік медициналық сақтандыру жүйесінің іске қосылғанына бес жыл болды. Содан бері бұл саланың бюджеті 2 есе артты. Биыл  2,6 триллион теңге бөлінеді. Алайда, медициналық көмектің сапасы айтарлықтай жақсарды деп айтуға болмайды. Көптеген қызмет әлі де қолжетімді емес. Бұдан бөлек, көп жағдайда ресурстар тиімсіз жұмсалады. Соның салдарынан бұл салаға қосымша қаржы бөліп, бюджетке салмақ салуға тура келеді. Үкімет медициналық сақтандыру жүйесінің қызметін қатаң бақылауға алуы керек. Бұл жүйе қарапайым әрі түсінікті болуға тиіс», – деді Мемлекет басшысы.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Ана тілін ұмытпаған: Вена қазағы желі қолданушыларын тәнті етті
Бүгін, 10:08

Ана тілін ұмытпаған: Вена қазағы желі қолданушыларын тәнті етті

Желіде шетелде тұратын қазақ ақсақалдарының видеосы тарады
Мемлекеттік органдардың шара қолданбау фактілері анықталды
Бұл жағдай Ішкі істер министрлігінің бақылауында болған
Кесте үш республикалық қала мен 12 облыста өзгереді

Соңғы жаңалықтар

Барлық жаңалық →