Челлендж алдағы уақытта Павлодар, Екібастұз, Алматы, Астана қалаларында жалғасады
Шымкенттік жастар “EcoStudentKZ” челленджін бастады, деп хабарлайды qaz365.kz тілшісі “24 хабар” арнасының сайтына сілтеме жасап.
Жоба арқылы белсенді студенттер ел тұрғындарына үндеу жасап, көрікті орындарды көркейтуге шақырмақ. Осылайша 8 бірдей жоғары оқу орнының, жүзге жуық студенті “Қошқар ата” жағалауына жиналды. Қоғамдық орынды, күл-қоқыстан тазартып, қураған жапырақтарды жинады.
“Бұл республикалық жоба ‒ студенттердің экологиялық санасын, қаламыздың тазалығын сақтауға үлес қосуға бағытталған жоба болып саналады. Аталған жоба Шымкент қаласынан бастау алып, алдағы уақытта Павлодар, Екібастұз, Алматы, Астана сынды қалаларда жалғасатын болады”, ‒ деді "EcoStudentKZ" жобасының ұйымдастырушы Бекдәулет Тасболат.
Белсенділер қоршаған ортаны таза ұстауды, әркім өзінен бастауы керек, дейді. Эстафетаның шарты бойынша таңдалған орынды алдымен суретке және, креативті видеоға түсіріп, нәтижесін #ЕКОStudentKZ хэштегімен желіге жариялайды.
