×

Семейде саяси қуғын-сүргін мен ашаршылық құрбандарына тағзым етілді

Сондай-ақ саяси қуғын-сүргін құрбандарын еске алу күніне орай ұйымдастырылған шараның бірі Шәкәрім университетінде өтті

Семейде саяси қуғын-сүргін мен ашаршылық құрбандарына тағзым етілді

Абай облысының орталығы Семей қаласында саяси қуғын-сүргін және ашаршылық құрбандарын еске алу күніне орай «Алаш» қозғалысының көшбасшысы Әлихан Бөкейханның және «Ұстаз бен шәкірт» ескерткішіне гүл шоқтары қойылды, деп хабарлайды Qaz365.kz.

Іс-шараға Семей қаласының әкімі Нұрбол Нұрсағатов, зиялы қауым өкілдері, қоғам белсенділері мен жастар қатысты. 

Сондай-ақ саяси қуғын-сүргін құрбандарын еске алу күніне орай ұйымдастырылған шараның бірі Шәкәрім университетінде өтті. 1997 жылдан бері атап өтілетін бұл күні ел тарихындағы ең азалы кезеңді еске алып, кеңестік тоталитаризмнің зұлым саясатынан зардап шеккен миллиондаған адамның рухына тағзым етіледі. Еске алу күніне орай 1 минут үнсіздік жарияланды. Одан кейін Шәкәрім Құдайбердіұлының ескерткішіне гүл қойылды.

“Тумасынан қайсар, тумасынан батыр халқымыз сол қиыншылықтың барлығына төтеп бере алды. Сөздің шынын айтқанда атып жатса да, асып жатса да, қаншама қиыншылықты көріп шет жерлерге айдалып жатса да қазақ халқы өзінің ұлттық реңкін жоғалтқан жоқ. Ұлттық санасының өсе түсіуіне ықпал жасады дегенді айтқымыз келеді. Ендеше, бүгінгі ұрпақтың парызы, әрі міндеті өткендегі тұлғаларды еске алып, соны кейінгі буынға тарату”, - дейді филология ғылымдарының докторы, профессор Арап Еспенбетов.

Облыс әкімдігі мен зиялы қауым өкілдері, оқытушылар мен студенттер гүл қою рәсімінен кейін «Үш анық» конференц залына жиналды. 

“Саяси қуғын- сүргін құрбандарын толық ақтау жөніндегі мемлекеттік комиссияның материалдары» атты 52 томдық кітаптың, 34- тінші томынан 52- інші томына дейінгі кітаптардың тұсаукесері өтіп, университет кітапханасына тапсырылды.

Бүкіл халыққа комуннизм орнату мақсатын қойды. Біреудің пікірімен жүрмейді ғой, жаңағы қайшылық пікір болады. Сондықтан өздерінің программалық мақсаттарына қарсы келгендердің бәрін жолынан алды. Соның арасында саяси қайраткерлер, қарапайым адамдар да, миллиондаған адамдар бүкіл Советтер одағының территориясында реперссияға ұшырады. Оның ішінде Қазақстан, біздің халық, біздің ұлтымыздың өкілдері осындай үлкен зобалаңға ұшырады. Сондықтан бүгінгі аталып жатқн шаралар сол әділеттілікті қалпына келтіру үшін, мына бүгінгі мен келер ұрпақ ұмытпау үшін істеліп жатқан іс- шара деймін. Бұл өте дұрыс”, - профессор, тарих ғылымдарының кандидаты Мұхтарбек Кәрімов.

Дөңгелек үстел барысында қоғамның дамуына үлес қосып жүрген ел азаматтары облыс әкімінің атынан алғыс хаттармен марапатталды. Бас қосуда қайраткерлер туралы баяндамалар оқылғанын да айта кетейік.

 

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Ана мен бала денсаулығы – ел болашағының жарқын болуының негізі
Кеше, 20:42

Ана мен бала денсаулығы – ел болашағының жарқын болуының негізі

Ана мен баланың денсаулығы – қоғамда маңызды рөл атқарады
Қазір қалада 22 жеке және 1 коммуналдық автобус паркі жұмыс істейді

Соңғы жаңалықтар

Барлық жаңалық →