Хоккей: Қазақстан құрамасы элиталық дивизионмен қоштасты

Қазақстан құрамасы Данияда өтіп жатқан әлем чемпионатының соңғы матчында да жеңіліс тапты, деп хабарлайды qaz365.kz.

Бұл кездесуде Қазақстан құрамасы Швейцарияға есе жіберді.

Қазақстан 16-минутта есеп ашқан. Гол авторы — Аркадий Шестаков. Екінші кезеңнің аяқталуына бес секунд қалғанда швейцариялықтар артық құрамда шайба соғып, үшінші кезеңде тағы бір голмен алға шықты.

Ойын соңына қарай есеп 4:1 болып, қарсылас команда жеңіске жетті.

Швейцария – Қазақстан – 4:1 (0:1, 1:0, 3:0)

0:1 – 15:17 – Шестаков (Бекетаев, Михайлис)

• 1:1 – 39:55 – Фиала (Мальгин, Кукан)
• 2:1 – 47:15 – Андригетто (Мальгин, Мозер)
• 3:1 – 57:06 – Амбюль (Нидеррайтер, Фиала)
• 4:1 – 57:44 – Риат (Кнак, Фора)

Осылайша, Қазақстан құрамасы өз тобында соңғы орынға түсіп, элиталық дивизионмен қош айтысты.

Еске сала кетейік, бұған дейін ұлттық құрама Венгрия, Дания, Германия және АҚШ-тан жеңілді.