×

Екі бірдей қазақ балуаны Париж Олимпиадасына жолдама алды

Бішкекте күрес түрлерінен лицензиялық турнир өтті

Екі бірдей қазақ балуаны Париж Олимпиадасына жолдама алды
Фото: Нұрғали Жұмағазы, Спортты дамыту дирекциясы

Қырғызстан астанасы Бішкек қаласында күрес түрлерінен өтіп жатқан лицензиялық турнирде қазақстандық балуандар Әлішер Ерғали мен Юсуп Батырмұрзаев Париж Олимпиадасына жолдама алды, деп хабарлайды Qaz365.kz.

Еркін күрестен 97 келідегі Әлішер Ерғали жартылай финалдық белдесуде Азия чемпионатының күміс жүлдегері, Қытайдағы қандасымыз Авусайиман Хабиланы 3:2 есебімен жеңді.

Осылайша, ол Париж Олимпиадасына жолдама алды. Әлішердің салмағына 92 келіге дейін салмақта әлем чемпионы атанған Ризабек Айтмұқан ауысқан. Олимпиадаға кімнің баратынын құрама бапкерлері шешеді. Өйткені жолдама жекелей емес, федерацияға беріледі.

Сондай-ақ 125 келідегі Юсуп Батырмұрзаев жартылай финалдық белдесуде Бахрейн өкілі Шамил Шариповты (Әлем кубогының чемпионы, Азия чемпионатының қола жүлдегері) 7:3 есебімен ұтып, Париж Олимпиадасының жолдамасын иеленді.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Соңғы жаңалықтар

Барлық жаңалық →