Қазір елімізде 101 шетелдік компания тіркелген
Шетелдік компаниялар соңғы 3 жылда 75 млрд теңге салық төлеген, деп хабарлайды Qaz365.kz.
Бұл туралы Мемлекеттік кірістер комитеті мәлімдеді.
“Google, Apple, Netflix секілді шетелдік алпауыт интернет компаниялар соңғы 3 жылда Қазақстанға 75 млрд теңге салық төледі. Қазір елімізде 101 шетелдік компания тіркелген. Өткен жылдың соңында қытайлық TEMU, Pinduoduo және Alibaba компаниялар тобы шартты тіркеуден өтті”, – делінген комитет хабарламасында.
Еске салайық, елімізде шетелдік интернет компанияларға салық салудың жаңа қағидалары 2022 жылдан бастап қолданысқа енгізілген болатын. Салықтың мұндай түрі жеке тұлғаларға электронды сауда арқылы тауарлар ұсынатын және электронды түрде қызмет көрсететін шетелдік компанияларға қолданылады.
