Апат болған аймаққа жақын үйлер жылусыз қалды
Рудныйда жылу құбыры жарылды, деп хабарлайды Qaz365.kz.
Апатты жағдай қаладағы Топорков көшесінде болған.
“Жылу құбырлары бұл жерге жақында салынды. Апат болған аймаққа жақын үйлер түн ішінде жылусыз қалды”, – дейді тұрғындар.
Рудный қаласындағы жылу құбырының жарылуы салдарынан «Шанхай» ауданындағы үйлерде жылу өшті. Эвакуацияланған 198 абоненттің жылуы сағат 8:30-да қалпына келтірілді. Тағы бір жарылыс Строительная көшесінде таңертең болды. Салдарынан 27 абонент жылусыз қалды.
Қаланың 140 км ішкі кварталдық желісінің 44 км-і жеке секторда орналасқан, ал соңғы екі жылда 33,8 км желі жөнделіп, 16,5 млрд теңге жұмсалған.
Қалада жылу 12:00-ге дейін беріледі деп уәде етілді.
