Оқырмандардың бірі желіде шағым білдірген
2 қараша күні сағат 03:14 шамасында «Атырау – Орал» республикалық маңызы бар тас жолында жол апаты болған. Атырау облысына қарасты Сарайшық ауыл тұсында патрульдік полиция қарсы беттегі Газель авто көлігін қаққан, деп хабарлайды Qaz365.kz.
Әлеуметтік желідегі atyrauoil.official парақшасында оқырмандардың полиция моральдық шығынды өтемей жатыр деп шағымын білдірген.
«Патрульдік полиция Женісбек Сарсенғалұлы Сайын мырза кибер шериф БМ 1102|06 көлігімен келе жатып, ұйықтап кеткен. Сөйтіп қарсы беттегі Газель авто көлігін соғады. Атырау облысы полиция департаменті материалдық және моральдық шығынды өтемей жатыр. Сонымен қатар рота командирі Ринат Шыманов келіскен уадеде тұрмай басын алып қашып отыр», - дейді оқырман.
