Оқиға «Қостанай-Әулиекөл-Сұрған» жолының бойында болған
Қостанай облысында оқыс оқиға орын алып, жол апатынан үш адам қаза тапты, деп хабарлайды Qaz365.kz.
Оқыс оқиға кеше түстен кейін Қостанай облысының Қарасу ауданына қарасты Герцен ауылына жақын жерде, «Қостанай-Әулиекөл-Сұрған» жолының бойында болған.
«Жол апатында ауыр жарақат алған үш адам сол жерде көз жұмды, тағы үшеуі Әулиекөл аудандық ауруханасына жатқызылды. Қазір полиция тергеуді бастады», – делінген Қостанай облысы Полиция департаменті хабарламасында.
Жол апатында Volvo мен Toyota Alphard көлігі бір-біріне соғылған. Қазір оқиға қатысушылары мен куәгерлерінен жауап алынуда.
