Ол 14-қаңтар күні Шымкентке көлік құжатын алу үшін келген
Шымкентте 20 күн бұрын жоғалған жігіт өлі күйінде табылды, деп хабарлайды Qaz365.kz.
Бұл ақпаратты Шымкент қаласының полиция департаменті растап отыр.
Бәйдібек Еділбек 14-қаңтар күні Шымкентке көлік құжатын алу үшін келген. Түркістан облысы, Шұбарсу ауданынан қалаға досымен келіп, оны әуежайға шығарып салыпты. Содан “ауылға қарай таксиге отырдым” деп әкесімен хабарласқан Бәйдібекпен түскі 15:00-шамасында байланыс үзілген. Содан бері ұлдарын шыр-пыр болып іздеген жақындары полиция жұмысына көңілі толмағанын да айтқан еді.
Ақыры жігітті шымкенттік еріктілер іздеп тапқан екен. Өкініштісі сол, 20 жастағы жігіт көшелердің бірінде суицид жасаған деп хабарланыпты еріктілер парақшасында.
