Әріптестерінің сөзінше, мектеп басшысының орынбасары ағаштан құлағанда, жұлыны үзіліп кеткен
Алматыда шие теруге барған мұғалім қайтыс болды, деп хабарлайды Qaz365.kz тілшісі Алматы қалалық әкімдігінің баспасөз қызметіне сілтеме жасап.
Индира Мейрамбекқызы Алматы қаласындағы №149 жалпы білім беретін мектеп директорының тәрбие ісі жөніндегі орынбасары қызметін атқарған. Әріптестерінің айтуынша, ұстаз жеміс ағашынан құлап, ауыр дене жарақатын алған. Мектеп басшысының орынбасары ағаштан құлағанда, жұлыны үзіліп кеткен.
«Бесінші маусым күнінен еңбек демалысына шыққан болатын. Өзінің іскерлігімен егемен еліміздің болашағын ойлайтын, тәуелсіздігін қорғайтын білімді ұрпақ тәрбиелеу жолында ерен еңбек етті. Ұстаз 52 жасқа қараған шағында мезгілсіз көз жұмды. Ол осы айдың 24 күні 52 жасқа толар еді. Өкінішке орай, 06.07.2023 ж. күні Алатау аудандық ішкі істер бөлімінің басшысы қайғылы хабарды жеткізді. Туған-туыстарына, отбасына, әріптестеріне қайғырып көңіл айтамыз», - делінген Алматы қалалық әкімдігінің баспасөз қызметі.
