×

Талдықорғандағы аты шулы оқиғадан кейін орган басшылары қызметінен босатылды

Ведомство басшысы өзінің сапары аясында өңір полициясының жеке құрамымен және ІІО ардагерлерімен кездесу өткізді

Талдықорғандағы аты шулы оқиғадан кейін орган басшылары қызметінен босатылды
фото: polisia.kz

Талдықорғанда болған соңғы резонанстық оқиғадан кейін Ішкі істер министрі Ержан Саденов ІІМ орталық аппараты қызмет басшыларынан құралған арнайы топпен Жетісу облысына барды, деп хабарлайды Qaz365.kz.

Ведомство басшысы өзінің сапары аясында өңір полициясының жеке құрамымен және ІІО ардагерлерімен кездесу өткізді. Отырысқа облыс әкімі Бейбіт Исабаев та қатысқан.
Кездесуде министр Жетісу облысының полиция басшыларына қатысты қабылданған шешімді айтты. Осылайша, облыстық полиция департаментінің бастығы Атығай Арыстанов қызметінен босатылды. Оның бірінші орынбасары Жасұлан Байкеновке қызметтік сәйкестіктің толық еместігі туралы ескертілді.
Облыстық департамент бастығының кадр саясаты жөніндегі орынбасары Талант Жұмабеков пен тергеу бойынша орынбасары Мақсат Ережепов те өз қызметтерінен босатылды.
Жетісу облысы ПД бастығының міндетін енді полиция генерал-майоры Арман Саданов атқаратын болады. Бұған дейін ол ІІМ өзіндік қауіпсіздік департаментін басқарған.

«Ел азаматтарының конституциялық құқықтарын қорғайтын полиция қызметкері үшін заң мен тәртіп бірінші орында болуы керек. Құқыққа қайшы келген азаматтар мен полицейлердің заңсыз әрекетіне тосқауыл қойылуы тиіс. Заң бәріне ортақ», – деп атап өтті министр Ержан Саденов.
Айта кетейік, бұған дейін қыз зорлады деген күдікке

ілінген Талдықорған қалалық ІІБ бастығы қамауға алынды.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Алматыда полиция көлігі мопедті қағып кетті
Бүгін, 17:52

Алматыда полиция көлігі мопедті қағып кетті

Өндірістік материалдар сотқа жіберіледі
Ол өзіне қатысты түрлі айыптаулардан соң әрі қарай шыдай алмағанын айтады
Анықталған фактілермен күрес аналитикалық құралдарды пайдалана отырып жүргізілетін болады

Соңғы жаңалықтар

Барлық жаңалық →