Қазіргі уақытта мамандандырылған әкімшілік сотта қаралатын материал жиналуда
Көші-қон қызметінің қызметкерлері облыс орталығында Өзбекстан Республикасының 79 азаматын анықтады, олар ғимарат салу бойынша еңбек қызметімен заңсыз айналысқан, деп хабарлайды Qaz365.kz тілшісі Абай облыстық ПД баспасөз қызметіне сілтеме жасап.
Көші-қон заңнамасын бұзғаны үшін олардың барлығы да әкімшілік жауапкершілікке тартылды. Сонымен қатар елдің заңнамасын өз мақсатына пайдаланғаны үшін, шетелдік жұмыс күшін тартқан жұмыс беруші да жауапқа тартылып отыр.
Қазіргі уақытта мамандандырылған әкімшілік сотта қаралатын материал жиналуда.
Абай облысы Полиция департаменті жеке және заңды тұлғалар үш күн ішінде көші-қон қызметіне шетелдік азаматтардан жұмыс күшін тартқан жағдайда олардың келгені туралы хабарлауға міндетті екенін ескертіп отыр.
Сәтжан Қасымжанұлы,
Абай облысы
