×

Шымкентте ішімдікке масайған жүргізуші полицейлерге миллион теңге пара ұсынған

Жүргізуші полицейлерге миллион теңге пара ұсынған

Шымкентте ішімдікке масайған жүргізуші полицейлерге миллион теңге пара ұсынған
Фото: krg.sud.kz

Шымкентте полицейлерге бір миллион теңге пара ұсынған жүргізуші тергеуге алынды, деп хабарлайды Qaz365.kz тілшісі Polisia.kz-ке сілтеме жасап.

Полицейлер түнде қаланы патрульдеу кезінде жол ережесін бұзған көлікті тоқтатқан. Салоннан алкогольдің иісі шығып тұрғандықтан, тәртіп сақшылары жүргізушіден медициналық тексерістен өтуді талап еткен. Ал ер адам қылмыстық жауапкершілікке тартпау үшін оларға бір миллион теңге ұсынған.

Полицейлер бірден өзіндік қауіпсіздік басқармасына хабар беріп, мас жүргізушіні наркологиялық диспансерге жеткізген. Тексеріс кезінде оның көлік жүргізу құқығынан айырылғаны анықталды.

Қазіргі кезде Қылмыстық кодекстің екі бабы – 346 (Көлік құралдарын басқару құқығынан айырылған және алкогольдік, есірткілік және (немесе) уытқұмарлық масаң күйдегі адамның көлік құралын басқаруы) және 367 (Пара беру) бойынша тергеу басталды.

Көлікті құжатсыз және мас күйде жүргізгені үшін бес жылға дейін, сол сияқты пара беруге оқталғаны үшін де бес жылға дейін бас бостандығынан айыру жазасы қарастырылған.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Қымбат Досжан Жәнібектің анасы болуы мүмкін әйелдің аты-жөнін жариялады
24.07.2024ж. 07:40

Қымбат Досжан Жәнібектің анасы болуы мүмкін әйелдің аты-жөнін жариялады

Архивтен табылған Жәнібектің анасы болуы мүмкін азаматшаның қолхатын жариялады
Мүмкіндігінше, жүктіліктің арасы 2-3 жыл болғаны дұрыс
Отыз жылдан астам уақыт бойы құрылыс саласында еңбек еткен

Соңғы жаңалықтар

Барлық жаңалық →