"Мен Украинадағы арнайы әскери операцияны, Путинді қолдаймын дедім, оныкі дұрыс"
Ресейсіз Қазақстан ұзаққа бармайды. Бұл туралы экс-депутат Азамат Әбілдаев мәлімдеді, деп хабарлайды qaz365.kz тілшісі ulysmedia.kz telegram парақшасына сілтеме жасап.
Ресейдің Украинаға қарсы соғысын қолдаған Азамат Әбілдаев Мәжілістен, “Ақ жол” партиясынан шығарылған еді. Ол sputnik.kz сайтына берген сұхбатында ол көзқарасын тағы айқындай түсті.
«Мен Украинадағы арнайы әскери операцияны, Путинді қолдаймын дедім, оныкі дұрыс. Мен бұны саналы түрде айттым. Ойлана алатын адамдардың бәрі не болып жатқанын біледі. Егер ұлтшылдарға ерік берсең, олар соғысқа апарып соқтықтырады.
Ресейсіз Қазақстан ұзаққа бармайды. Егер ОДКБ болмаса, бұл күнде бізбен бірге Қырғызстан, Өзбекстан араб әлемі секілді өртеніп жатар еді. Бізге кім көмектесер еді. Ұлтшылдар өзінен басқаның бәрін жек көреді. Қазақстан – көпұлтты ел. Артынша не? Ізінше азаматтық соғыс болады. Украинада да осылай басталған. Олар да бәрі оңай болады деп ойлады: бір русофоб қыртып жүр деді. Ары қарай майдан болды», - деген сұхбатында Әбілдаев.
