Қазақстанды Нұрсұлтан Назарбаев басқарған тұста ұзақ жылдар мемлекеттің бас идеологы болған.
Алматыда Қазақстан әлеуметтанушылар қауымдастығы (АСК) ұйымдастырған Әлеуметтанушылардың VIII Конгресі өтті, деп хабарлайды Qaz365.kz.
Сол жиында Қазақстан билігінің ұзақ жылдар бойы идеологы Марат Тәжин бой көрсетті. Vecher.kz басылымының жазуынша, экс-шенеунік Түркітілдес елдері әлеуметтанушылар одағының президенті көрінеді.
Айта кетейік, Марат Мұханбетқазыұлы 2023 жылы 16 маусымда Чехия елшісінен қызметінен босатылған. Содан кейін билік жүйесінен көрінебеді. Қазақстанды Нұрсұлтан Назарбаев басқарған тұста ұзақ жылдар мемлекеттің бас идеологы болған.
Сыртқы істер министрі, президенттің көмекшісі, президент әкімшілігі басшысының орынбасары, Қазақстан Қауіпсіздік кеңесінің хатшысы сынды әртүрлі басшылық қызметтерді атқарды. Әсіресе, президент әкімшілігі басшысының орынбасары ретінде елдің ішкі саясаты мен идеологиясына жауап бергені көпшілікке жақсы таныс.
