Көмекке келген техниканың күші жетпеуде
Жамбыл облысының ТЖД Жуалы ауданындағы Билікөл көлінде балық аулауға шыққан екі азаматты іздестіріп жатыр, деп хабарлайды Qaz365.kz.
Алдын ала болжам бойынша, бір апта бұрын балық аулауға шығып, қатты желден толқын батырып алып кеткен.
Тұрғындардың айтуынша, облыстан бір ғана техника келіп жетіпті. Оның өзі көмектесе алмай жатыр дейді.
«Басқа балықшылар көлдің ортасында екі адамды көрген. Олар өмірлері үшін арпалысамыз деп, жағаға жетуге асығыпты. 10 минуттан соң қатты жел тұрып, қайтадан қараса, жоғалған азаматтар жоқ», – дейді желі қолданушысы.
Айтуларынша, жергілікті билікөлдік Бақытжан және Ернар деген азаматтар екен.
