Бұл - қазақстандық футбол тарихындағы рекордтық келісім
Алматының «Қайрат» клубының жас шабуылшысы Дастан Сатпаев Лондонның «Челси» клубына ауысатыны расталды. Бұл ақпаратты атақты инсайдер Фабрицио Романоның өзі жазды, деп хабарлайды Qaz365.kz.
Инсайдердің мәліметінше, «ақсүйектер» алматылық футболшы үшін 4 миллион еуро береді. Бұл - қазақстандық футбол тарихындағы рекордтық келісім.
«Соның ішінде 2,4 миллион еуро – нақты төлем, ал қалғаны «Қайрат» немесе жалға берілген өзге клуб сапында өткізген ойындары үшін бонус ретінде қарастырылады. Бес жылдық келісімшарт 2026 жылы тамыз айында Дастан 18 жасқа толғанда күшіне енеді.
Естеріңізде болса, Қазақстан U-19 құрамасының шабуылшысы Дастан Сатпаев желтоқсан айында Лондонның «Челси» клубына қаралымнан өткен.
Былтыр шабуылшы Қазақстан U-19 құрамасында және «Қайраттың» QJ League-дағы командасында ойнап шықты. Бұл лигада 12 матчта 19 гол соғып, 7 нәтижелі пас берген.
