Бұған «Семей орманы» мемлекеттік орман табиғи резерваты жауап берді
Семей орманын біреулер өртеуге әрекеттенген. Әлеуметтік желіде осындай ақпарат тарады. Кейін полиция ол адамдарды іздестіріп жатқаны белгілі болды, деп хабарлайды Qaz365.kz.
Бұған «Семей орманы» мемлекеттік орман табиғи резерваты жауап берді.
«Семей филиалы Қызылкордон орманшылығының мемлекеттік инспекторлары патрульдеу жүргізген кезде көрсетілген факт №172, 175 аумақта анықталды. Оқиға орнына жедел топ шығып, барлығын фото және бейнетүсірілімге тіркеді, акт жасалып, осы әрекетті істеген адамдарды анықтау және одан әрі процестік шешім қабылдау үшін құқық қорғау органдарына берілді», – делінген хабарламада.
Рейдтік іс-шара барысында мемлекеттік инспекторлар Семей филиалының Қызылкордон орманшылығының №1 аумағында осындай тағы бір фактіні анықтаған. Сосын құқық қорғау органдарына тапсырған.
«Семей орманы» МОТР» РММ мемлекеттік инспекторлары жексенбі және мереке күндеріне қарамастан, қоршаған ортаны қорғау және күзету бойынша патрульдеу мен рейдтік іс-шараларды күн сайын тұрақты түрде жүзеге асырады», – дейді орманшылар.
