Олардың 6 млн теңгеден астам қаржыны жымқырғаны анықталды
Шымкентте бюджет қаражатын жымқырған бапкерлер сотталды, деп хабарлайды Qaz365.kz.
Сот үкімімен дене шынықтыру және спорт басқармасы спорт мектептерінің жаттықтырушылары бюджет қаражатын жымқыру фактісі бойынша 1 және 2 жыл мерзімге бас бостандығын шектеу жазасына сотталды.
«Сот талқылауы барысында жаттықтырушылар 2022 жылдан 2023 жылға дейінгі мерзім аралығында спортшылардың Алматы, Тараз қалалары мен Түркістан облысында оқу-жаттығу жиындарына барғаны туралы жалған жол жүру құжаттарын ұсынып, 6 млн теңгеден астам қаржыны жымқырғаны анықталды», - делінген ведомство хабарламасында.
Мемлекетке келтірілген шығын толығымен өтелді.
