21 жастағы ер адам қала аумағында “синтетикалық есірткі” таратумен айналысқан
Шымкентте шетелдік азамат аса ірі мөлшерде есірткімен ұсталды, деп хабарлайды Qaz365.kz.
21 жастағы ер адам қала аумағында “синтетика” таратумен айналысқан. Оны есірткі қылмысына қарсы күрес басқармасының қызметкерлері құрықтады.
“Тексеру барысында одан мефедрон салынған бумалар табылып, тәркіленді. Психотроптық заттардың жалпы салмағы 100 грамнан асады. Ұсталған ер адам уақытша ұстау изоляторына қамалды. Анықталған жайт бойынша полиция тергеу әрекеттерін жүргізіп жатыр”, – делінген полиция мәліметінде.
Тәртіп сақшылары есірткінің заңсыз айналымына байланысты қылмыстар үшін ұзақ жылдарға бас бостандығынан айыру жазасы көзделгенін ескертеді.
