Полиция күдіктілерді ұстады
Маңғыстау облысындағы Торыш алқабында шар тәрізді тастарды ұрлағандар ұсталды, күдіктілерге ескерту берілген, деп хабарлайды Qaz365.kz.
Әлеуметтік желіде әлдекімдердің Торыш шатқалындағы шар тәрізді тастарды жүк көлігіне тиеп әкеткен видеосы тарады. Алайда не мақсатпен ұрлғаны белгісіз. Бұл туралы КТК телеарнасы хабарлады.
Полиция күдіктілерді бірден ұстап, оларға ескерту жасаған.
"Торыш шатқалы шарлар алқабынан тастарды алып кетіп жатқан бейнежазба жарияланды. Полиция қызметкерелерімен жүргізушінің жеке басы анықталды. Құқықбұзушылармен профилактикалық әңгіме жүргізілді. Тастар қайтадан орнына қойылды", – деді Маңғыстау облысы ПД баспасөз қызметінің жетекшісі Әйгерім Ибатуллаева
