Мақпал Жүнісова мен Әлішер Кәрімовтің әзілі жұртты күлкіге қарқ қылды
Әнші Мақпал Жүнісова мен Әлішер Кәрімовтің әзілі концертке келген көрерменді қарық қылды, деп хабарлайды Qaz365.kz.
Әлішердің концертіне келген Мақпал Жүнісова өнердегі бауырын көптен бері білетінін айтты. 20 жылдан бері сахнада жүрген Әлішерді мақтап, Мақпал Жүнісованың өзі айтатын әнді әдемі орындағанына рақметін жеткізді. Әзілмен тезірек отбасы болуын тіледі.
«Бес жыл бұрын саған «үйлен» деп айтқанда «жақында» деп едің, әлі үйленген жоқсың ба? Ата-анаң күтіп отыр», - деді Мақпал Жүнісова.
Әлішер Кәрімов «Сіз сияқты красавицалар жоқ қой. Сәл кешірек өмірге келгеніңізде» деп әзілмен жауап берді.
«Әлі де кеш емес қой», - деп жауап қайтарды Мақпал Жүнісова.
«Маған мектеп кезінен үлкен қыздар ұнайды», - деді оған Әлішер Кәрімов.
«Құда түсіп жүрмеңдер масқара боп. Біз сіздердің көңіл-күйлеріңізді көтереміз деп әзілдей береміз ғой», - деп жұртты қарық қылды Мақпал Жүнісова.
Екі әнші сахнада «Жүрегің бұзылмай» деген әнді бірге шырқады.
