Ол 10 күн бұрын қамауға алынған болатын.
Ақтау қаласының маңында болған ұшақ апатын түсірген жергілікті блогер Азамат Сәрсенбаев бостандыққа шықты, деп хабарлайды Qaz365.kz.
Ер адамның басынан не өтпейді!? Үйден 150 шақырым алыста 10 күн оқшау жатып, басымнан осы ой кетпеді. Шынымды айтсам, осылай болғанына да қуандым. Шыңдалдым, мықтырақ болып, өз ұстанымымды одан сайын бекемдедім. Айтарым көп, - дейді Азамат Сәрсенбаев.
Айта кету керек, осыған дейін әуе апаты болған жерді дронмен түсірген блогер 10 тәулікке қамалғанын жазғанбыз. Полицияның ұстауына блогердің ұшақ апаты болған жерде рұқсатсыз фото, видео түсірілім жүргізгені, яғни әкімшілік құқық бұзғаны себеп болған.
25 желтоқсан күні Ақтау қаласының маңында Azerbaijan Airlines әуекомпаниясының ұшағы құлап, 38 адам қаза тапты.
