Елдос Сметовты жерлестері үлкен қошеметпен күтіп алды
Туған өңірі Жамбыл облысының орталығы Таразға барған чемпион Елдос Сметовты жерлестері үлкен қошеметпен күтіп алды, деп хабарлайды Qaz365.kz.
Олар чемпионды ортаға алып, тілегін айтып, бірге фотосуретке түсуге асықты. Балалары Елдостың алдынан шығып, әкесінің мойнына асылған. Жұртшылық арасында тұрған оны «Тигр, Елдос асфальт құтты болсын» деп, чемпионды ерекше құттықтау жұртты ду күлдірді.
Дзюдодан Париж Олимпиадасында атой салған Елдос Сметовтің Тараздағы үйі орналасқан көшенің асфальті жаңарған болатын. Бұл туралы әлеуметтік желіге жергілікті журналист Дастан Исламбек жазған. Алайда оның бұл постына байланысты жағымсыз пікірлер жазылып жатыр.
Жақында Жамбыл облысының әкімі Ербол Қарашөкеев Елдос Сметовтің шаңырағына барып, ата-анасын құттықтап, құрмет көрсеткен. Елдос Сметовтің ата-анасы Бақтыбай және Тоқтагүл Сметовтерге «Облысқа сіңірген еңбегі үшін» белгісін, жарына Құрмет грамотасын табыстаған.
Ал жаңадан жайылған асфальтқа байланысты жағымды пікірмен қатар, сын айтқандар көп.
