Бір айдан кейін Қазақстан футбол федерациясын президенті сайланады
Туризм және спорт министрі Ербол Мырзабосынов футбол федерациясы президенттігіне кімді лайық деп санайтыны турасында сұраққа жауап берді, деп хабарлайды Qaz365.kz.
«Әрине, өте көп адам бар. Ең бастысы, жұмыстың тиімділігі федерациясының басшысына – бір адамға ғана байланысты емес. Спорттық менеджерлерден бастап тұтас команда жасақталуы керек. Әрине, футболды дамыту үшін шетелден мамандарды тарту керек шығар. Менеджмент жағынан да әлемдік футболға қарау керек. Заң жобасы бойынша легионерлер мемлекеттен қаржыландырылмайды. Біз сонымен бірге клуб жағынан да солай қараймыз», – деді Ербол Мырзабосынов.
Оның айтуынша, Әділет Бәрменқұлов өз еркімен қызметтен кеткен. Бір айдан кейін Қазақстан футбол федерациясының президенті сайланады. Журналистер Фридом банк басшысы Тимур Турлов болуы мүмкін бе деп сұрады. Министр үміткер ретінде тіркелуі мүмкін екенін айтты. Бірақ бәрі сайлау кезінде шешілетінін қосты.
