«Қайрат» футбол клубы мен Air Astana әуе компаниясы демеушілік серіктестік орнатып, ресми келісімге қол қойды. Жаңа келісімге сәйкес, Air Astana енді клубтың ресми әуе тасымалдаушысы болады, деп хабарлайды Qaz365.kz.
Серіктестік аясында команда халықаралық матчтар мен оқу-жаттығу жиындарына ұшу сапарларын аталған компания арқылы жүзеге асырады. Сондай-ақ ішкі бағыттардағы жолаушылар және жүк тасымалы қамтамасыз етіледі. Қажет болған жағдайда клуб үшін чартерлік рейстер де ұйымдастырылады.
Клуб өкілдерінің айтуынша, бұл ынтымақтастық қазақстандық спорт пен футболдың дамуына оң әсер етіп, оның халықаралық деңгейде ілгерілеуіне үлес қосады.
