Оның орнына ұлттық құрамасының жаңа бас бапкері тағайындалады
Футболдан Қазақстан ұлттық құрамасының бас бапкері Магомед Адиев қызметінен кетті, деп хабарлайды Qaz365.kz.
Футбол үйінде Қазақстан футбол федерациясының (ҚФФ) президенті Әділет Барменқұловтың футболдан Қазақстан ұлттық құрамасы жаттықтырушылар штабының кездесуі өтті.
Бас бапкер Магомед Адиев мұндай шешім қабылдауына отбасылық жағдай себеп болғанын айтты.
Адиев Қазақстан құрамасын 2022 жылдан бері басқарып келді. Қазақстан премьер-лигасында қарағандылық "Шахтерді" жаттықтырған. Оның бапкерлік карьерасында "Чайка", "Ахмат", "Анжи" және "Легион Динамо" командалары да болды.
Осы жылдың сәуірінде ол "Ахмат" ФК бас бапкері болып тағайындалған еді.
