Жобаның болжамды құны – 1,9 миллиард доллар
Мемлекет басшысы Француз кәсіпкерлерімен кездесу барысында “Total Energies” директорлар кеңесінің төрағасы және бас атқарушы директоры Патрик Пуянненмен кездесті, деп хабарлайды qaz365.kz тілшісі БОРТ№1 Telegram каналына сілтеме жасап.
Мемлекет басшысы Эмманюэль Макронмен келіссөз барысында Total компаниясына айрықша мән берілгенін атап өтіп, компания еліміздің Франциямен стратегиялық серіктестігінде маңызды рөл атқаратынын жеткізді.
Патрик Пуянне “Total Energies” компаниясы біздің елімізге 12 млрд доллар инвестиция салғанын айтып, алдағы уақытта да ең ірі инвесторлардың бірі болатынына сенім білдірді.
Олар сондай-ақ Қазақстанның энергетика секторындағы ынтымақтастық мәселелерін жан-жақты талқылады. Компания қуаты 1 ГВт болатын жел электр станциясын салуға ниетті. Нысан 2026-2027 жылдары Қазақстанның оңтүстік-шығысында пайдалануға беріледі. Жобаның болжамды құны – 1,9 миллиард доллар.
