Оқиға кезінде автобустың ішінде 17 жолаушы болған
Қарағанды облысында қатты желден автобус аударылып қалды, деп хабарлайды Qaz365.kz.
Бұл туралы Қарағанды облысының Полиция департаменті мәлімдеп отыр.
“Бүгін сағат 08:54-те республикалық маңызы бар «Бастау-Ақтау-Теміртау» автожолындағы Петровка ауылынан 1 шақырым жерде «Ботақара-Қарағанды» бағыты бойынша жүріп келе жатқан №84 қоғамдық автобус аударылды. Алдын ала мәлімет бойынша, апатқа қатты желдің салдарынан автобустың тепе-теңдігін жоғалтуы себеп болған. Оқиға кезінде автобустың ішінде 17 жолаушы болған. Зардап шеккендер жоқ”, – делінген полиция хабарламасында.
Полиция қызметкерлері оқиға орнына жедел жетіп, жолаушыларға көмек көрсеткен.
