Қазақстан халқы Ассамблеясының ХХХІV сессиясында мемлекет басшысы Қасым-Жомарт Тоқаев тіл мәселесін көтерген болатын. Осыдан кейін Мәжіліс депутаты Айгүл Құспан азаматтарға ескерту жасады, деп хабарлайды Qaz365.kz.
Мемлекет басшысының Қазақстан халқы Ассамблеясының мерейтойлық сессиясындағы: «Қазақстанда адамды ұлтына, тіліне, дініне қарай кемсіту ешқашан болған емес, болмайды да» – деп айтқаны, сөзінің мәні мен сәні болғанын баса айтқым келеді.Сондықтан сынықтан сылтау іздеп, қоғамдық ортада қасақана алауыздық тудыратындарға, мен сендердің тілді білмейтін отандастарымызға, немесе мұсылман орамалын таққан қыздарымызға «арабқұл» деп айып тағып, жөн-жосықсыз қаралайтындарыңа мүлдем қарсымын және мұндай келеңсіз тіріліктеріңді тоқтатыңдар, – дегім келеді! - дейді депутат.
Ол Қазақстан халқы, осынау күрделі кезеңде құрыштай берік бірлікте, жасампаздық тірлікте өмір сүруіміз қажет деп отыр.
«Президентіміздің: «Елдің бірлігі мен татулығы ең негізгі құндылықтарымыздың қатарында тұр. Бұл – мемлекеттік саясаттың басты тұғыры. Болашақта да солай болмақ» – деген қоңыраулы сөзіне бар ықылас-пейіліммен қосыламын!, - дейді Айгүл Құспан.
БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
