Ол жүрекке жасанды массаж жасап берген екен
Қызылордадан Астанаға бет алған Qazaq Air әуе компаниясының ұшағында бір жолаушы кенеттен есінен танып, жүрегі мен тыныс алуы тоқтап қалған, деп хабарлайды Qaz365.kz.
Сол кезде бортсеріктер борттан медицина қызметкерлерін сұрағанда жолаушыларың арасынан жас жігіт суырылып, қолын көтерген. Ол жүрекке жасанды массаж жасап берген екен. Мұның барлығын істеген жас жігіттің есімі - Дінмұхамед Бектұрған. Қызылорда қаласындағы қарапайым мектептің түлегі. ҰБТ-дан 117 балл алса да, жалпы медицинаға грантқа жетпей қалған.
Ұшақта бортсеріктің бізде медицина маманы бар ма? дегенін естідім. Жан-жағына қарадым, ешкім ұмтылмады. Сосын мен сұрандым. Шамам 50 жастағы кісі екен. Сол адамға көмек қажет болды. Ол жолаушының шағымдары бар екен. Кеуде қуысы қысылып қалған. Нақтылайтын сұрақтар қойдым. Жүрек қысымы сол жаққа беріле ме? Ол адам «иә» деді. Бортсеріктен бірден танометр сұрадым. Қысымын өлшедім. Төмендеп кеткен екен (100/60). Бір минуттың ішінде есінен танып қалды. Тыныс алуы тоқтады. Жолаушыны жатқызып, білетін шараларымды жасадым. Бірден есін жинады. Әуежайға дейін жеткіздік. Бірден «Жедел-жәрдем» қабылдап алды, - дейді Дінмұхамед Бектұрған.
Сонда да Димаш өз арманынан бас тартпаған. Астана медицина университетінің ақылы бөліміне түскен. Бірақ бір семестрден кейін өз біліктілігін көрсетіп, грант бөліміне ауысқан. Қазір 7 курста оқиды. Үш тілде еркін сөилейтін көрінеді.
