Судья олардың әрекеттерінде қылмыстық белгі болуы мүмкін деп санайды.
Сот өткен жылдың қазан айында Талғар қаласында болған кәмелетке толмаған Шерзат Полатты өлтіру туралы іс бойыншы үкім шығарды, деп хабалайды Qaz365.kz.
Айыпталушыларға бір жарым жылдан бастап 23 жылға дейінгі мерзімді жаза тағайындалды. Бұдан бөлек судья сотта куәгер ретінде жауап алынған Дана Жақсыкелді, Эльмира Нұрбекова, А. Қазекенов және Ю. Рузбакиевтің іс-әрекеттерінде қылмыстық белгі болуы мүмкін екенін мәлімдеді.
Осыған байланысты сот прокурорға жеке ұйғарым жолдады. Бұл құжат арқылы аталған тұлғалардың әрекеттеріне құқықтық баға беріліп, қажет болған жағдайда қылмыстық іс қозғалуы мүмкін.
