Байжановтың жазасын өтеу мерзімі 2027 жылдың 18 шілдесінде аяқталуы тиіс болатын.
Степногор қалалық сотында Бақытжан Байжановтың рақымшылыққа байланысты жаза мерзімін қысқарту туралы өтініші қаралды. Ол сот отырысын БАҚ-тың қатысуынсыз өткізуді қалағанымен, судья Әкішев бұл өтінішті қанағаттандырмады, деп жазады Qaz365.kz.
Байжановтың жазасын өтеу мерзімі 2027 жылдың 18 шілдесінде аяқталуы тиіс болатын. Енді ол мерзімнің үштен бір бөлігі - сегіз ай сегіз күнге қысқарып, Бақытжан Байжанов 2026 жылдың қарашасында бостандыққа шығады.
Сот шешіміне колония өкілдерінің Байжановқа берген жағымды мінездемесі мен соттың талап-арыздары толық өтелгені әсер етті:
Жазасын өтеу барысы – оң сипатта. Сот үкімі бойынша талаптар толық көлемде өтелген. Ұстау жағдайларындағы тәртібі – бірінші оң деңгейде, екі мәрте көтермеленген.
Прокурор да бұл пікірмен келісіп, өтінішті қанағаттандыруды сұраған.
Еске салайық, Бақытжан Байжанов – бұрынғы ұлттық экономика министрі Қуандық Бишімбаевтың інісі. Екеуі де Салтанат Нүкенованың өліміне қатысты іс бойынша сотталған. Байжанов аса ауыр қылмысты жасырып қалды деп танылып, төрт жылға бас бостандығынан айырылған. Ол өз кінәсін мойындамаған және апелляциялық шағым берген, алайда сот үкімі өзгеріссіз қалған.
