Ол Бренда Фрухвиртовамен кездесті
Қазақстанның бірінші ракеткасы Елена Рыбакина Ролан Гарросты жеңіспен бастады, деп хабарлайды Qaz365.kz тілшісі Vesti.kz-ке сілтеме жасап.
Бірінші айналымдағы кездесуде Рыбакина Чехияның 16 жасар өкілі, жаңа буынның болашағынан зор үміт күттіретін, дарынды теннисшілердің бірі Бренда Фрухвиртовамен кездесті.
Рыбакина екі сетте жеңіске жетті - 6:4, 6:2. Кездесу бір сағат 21 минутқа созылды.
Келесі айналымда Қазақстанның үздік теннисшісі Чехияның тағы бір теннисшісі Линда Носковамен кездеседі.
