Сот шешімімен фигуранттар қамалды
Ұлттық қауіпсіздік комитеті Қазақстанға есірткі жеткізудің кезекті контрабандалық арнасының жолын кесті, деп хабарлайды Qaz365.kz.
21 ақпанда Ақтау халықаралық әуежайында Маңғыстау облысы бойынша ҰҚКД жедел уәкілдері мен шекарашылар ЭТД қызметкерлерімен бірге есірткі тасымалдау күдігі бойынша екі шетелдік азаматты ұстады.
Рентгеноскопиялық зерттеу олардың іш қуысында бөгде заттың барын көрсетті.
«Арнайы медициналық процедура арқылы шетелдіктердің азқазанынан героин және синтетикалық есірткі бар 30-дан астам контейнер алынды. Алынған заттың жалпы салмағы шамамен 1 кг болды», – делінген хабарламада.
Сот шешімімен фигуранттар қамалды.
Қылмыстық кодекстің 286-бабы 4-бөлігі бойынша сотқа дейінгі тергеу басталды.
Өзге ақпарат Қылмыстық-процестік кодекстің 201-бабы 1-бөлігіне сәйкес жарияланбайды.
