×

Атырауда тұрғын үйде газ жарылды: Күйік шалған ер адам қайтыс болды

Зардап шеккен 5 адам ауруханаға жеткізілген

Атырауда тұрғын үйде газ жарылды: Күйік шалған ер адам қайтыс болды
Фото: Атырау облыстық ТЖД

Атырауда тұрғын үйде газ жарылып, күйік шалған 5 адамның біреуі бүгін жансақтау бөлімінде қайтыс болды, деп хабарлайды Qaz365.kz.

Атырау облыстық Денсаулық сақтау басқармасының баспасөз қызметінің мәліметінше, 2 қаңтарда өрттен зардап шеккен 5 адам ауруханаға жеткізілген.

«Оның ішінде үш ересек адам облыстық, ал екі жасөспірім балалар ауруханасының жансақтау бөліміне түсті. Бәрінің жағдайы ауыр деп бағаланды. Бүгін, 3 қаңтарда 1965 жылы туған ер адам ауруханада қайтыс болды. Қалған науқастардың жағдайы әлі де ауыр деңгейде қалып отыр. Науқастар ауруханалардың жансақтау бөлімінде жатыр. Дәрігерлер науқастардың жағдайын бақылауға алып, барлық ем-дом шарасын жүргізіп жатыр», – деп хабарлады басқарманың баспасөз қызметі.

Айта кетейік, бұдан бұрын Атырауда тұрғын үйде газ жарылып, 5 адамды күйік шалғаны хабарланған. Өрт Атырау қаласының маңындағы Көкарна ауылында болған. Тұрғын үйде газ-ауа қоспасының дүмпуінен жарылыс болған. Жарылыс салдарынан тұрғын үйдің 9 шаршы метр қабырғасы құлап, 140 шаршы метр алаңы жанып кеткен.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Президент мемлекет және қоғам қайраткері Мұрат Әуезовтің отбасы мен жақындарына көңіл айтты
Кеше, 11:47

Президент мемлекет және қоғам қайраткері Мұрат Әуезовтің отбасы мен жақындарына көңіл айтты

Ұлт руханиятының алға басуына, қазақ ғылымының көкжиегін кеңейтуге бар саналы ғұмырын арнаған зиялы, парасатты тұлға еді

Соңғы жаңалықтар

Барлық жаңалық →