×

Астанада ер адам қайын апасын өлтіруге 10 миллион теңгеге тапсырыс берген

Ол сыбайласымен бірге сотталды

Астанада ер адам қайын апасын өлтіруге 10 миллион теңгеге тапсырыс берген
Фото: Астана қалалық сотының баспасөз қызметі

Астанада әйелінің туысын тапсырыспен өлтіруді жоспарлаған ер адамға қатысты іс қаралды, деп хабарлайды Qaz365.kz.

Сотта анықталғандай, жәбірленуші ер адамға сақтауға ақша берген. Ол бұл ақшаны жұмсап қойып, қылмысын жасыру үшін зайыбының әпкесін өлтіруді ұйғарған. Бұл үшін сотталушы 10 млн теңгеге кісі өлтіруге тапсырыс берген. Өз кезегінде тапсырысты қабылдаған ер адам танысына ақыға адам өлтіруді ұсынған. Алайда танысы бұл туралы полицияға хабар берген.

Полиция тапсырыс беруші мен кісі өлтірушіні ұстау мақсатында жәбірленушінің өлімін имитациялап, күдіктілерді ұстады.

«Соттың 2023 жылғы 3 қарашадағы үкімімен тапсырыс беруші 10 жылға, ал ақыға кісі өлтірмек болған адам 7 жыл 6 айға сотталды. Қорғаушы тарап апелляциялық шағымдарында үкіммен келіспей, сотталушылар жәбірленушіні өлтіруге емес, оның ақша туралы біраз уақытқа ұмытуын көздеп, тек ұрып-соғуға тапсырыс бергенін айтты», – делінген сот хабарламасында.

Алқа сотталғандардың кінәсі куәгерлердің берген айғақтарымен, әңгімелесу стенограммасымен, тәркіленген заттай дәлелдемелермен толық дәлелденген деген қорытындыға келді.

Осыған байланысты Астана қаласының қылмыстық істер жөніндегі сот алқасының 2023 жылғы 25 желтоқсандағы қаулысымен үкім өзгеріссіз қалдырылды және заңды күшіне енді.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Президент мемлекет және қоғам қайраткері Мұрат Әуезовтің отбасы мен жақындарына көңіл айтты
Кеше, 11:47

Президент мемлекет және қоғам қайраткері Мұрат Әуезовтің отбасы мен жақындарына көңіл айтты

Ұлт руханиятының алға басуына, қазақ ғылымының көкжиегін кеңейтуге бар саналы ғұмырын арнаған зиялы, парасатты тұлға еді

Соңғы жаңалықтар

Барлық жаңалық →