Еліміздегі танымал медиажұлдыздардың бірі Динара Сәтжан жақында тұрмысқа шығуға жасалған ұсынысты қабыл алғанын айтқан еді. Өткен демалыста тележүргізуші қайын жұртына барып келіндік міндетін атқарып келді, деп хабарлайды Qaz365.kz.
Ол сенбі-жексенбіде Түркістан облысына қарасты Сарыағаш ауданына барған. Ол бейнежазбадан абысындарымен қолына оқтау алып, бірге жайма жайып жатқанын көре аламыз.
Абысындардан мастер-класс, - деп жазған Динара Сәтжан видеоға түсініктеме ретінде.
Айтпақшы, сол видеода бірнеше абысын белгілеген. Олардың барлығы Forbes тізіміне енген миллиардер Жұмабек Жанықұловтың жеңгелері мен келіндері. Тіпті, кейбірінінің тегі – Жанықұлов. Осыдан-ақ тележүргізушінің кімге тұрмысқа шыққанын желі қолданушылары біліп қойған.
«Сарыағаштың келіні болып дұрыс болған екен», «Абысын тату болса ас көп», «Сіргеліге келін», «Динаражан, бақытыңыз баянды болсын» - деген пікірлер бар.
