Әрине, маған мәһр берілген
Танымал тележүргізуші Динара Сәтжан биыл некесін қидырып, тұрмысқа шыққан болатын. Ол әлеуметтік желіде мәһрге не сұрағанын айтты, деп хабарлайды Qaz365.kz
Біздің некемізді Нұрлан имам қиды. Ол мәһр туралы айтты, бірақ сұраған жоқ. Ол кісі айта ма деп күтіп ем, сұрамай қойды. Әрине, маған мәһр берілген. Алайда Нұрлан имам мешітте соны сұрай ма деп күтіп ем, - дейді тележүргізуші.
Айта кетейік, Динара Сәтжан кәсіпкер Жұмабек Жанықұловпен Астанадағы Ырыскелді қажы атындағы мешітте некесін қидырған еді.
Олар дүркіретіп той жасамаса да, жақындарының арасында бұл ерекше күнді атап өткен. Тележүргізушінің Аида Қауменова және Баян Алагөзова сынды достары қуанышына ортақтасқан.
Еске салсақ, былтыр Қазақстан мұсылмандарының діни басқармасы некеге тұрған қызға беретін «қалың мал» мен мәһрды біріктіретін мәлім еткен еді.
