Мекемеде санитарлық, көші-қон, өрт-техникалық және құрылыс нормалары бұзылған
Таразда қайырымдылық мекемесі 36 балаға лицензиясыз білім берген, деп хабарлайды Qaz365.kz.
Бұл туралы Тараз қаласы прокуратурасы мәлімдеп отыр.
“Тараз қаласы прокуратурасы 2024 жылы жүргізген тексеріс барысында «Бәйдібек» қайырымдылық мекемесінің 2023 жылдан бастап білім беру қызметін лицензиясыз жүзеге асырғанын анықтады. Мекемеде санитарлық, көші-қон, өрт-техникалық және құрылыс нормалары бұзылып, 36 бала білім алған. Прокуратура Жамбыл облысының мамандандырылған экономикалық сотына талап қойып, 2024 жылы 8 қазанда мекеменің қызметін тоқтату туралы шешім қабылданды”, – делінген хабарламада.
Сот шешімі ресми заңды күшіне енген.
