Зардап шегушінің жағдайы орташа ауыр
Астанада Capital Park тұрғын үй кешенінің құрылыс алаңында мұнара краны опырылып, краншы зардап шекті, деп хабарлайды Qaz365.kz тілшісі Өнеркәсіптік қауіпсіздік комитетіне сілтеме жасап.
Оқиға 9 мамырда сағат 11.45-те Есіл ауданындағы 38-көшенің бойында болған. Алдын ала мәлімет бойынша, салынып жатқан үйлердің арасында мұнара кран құлаған.
"Мұнара кранын орнату кезінде ол опырылып, оның құрылымы автокран кабинасына құлады. Салдарынан кран операторы, 1999 жылы туған И.П. Андрюшкин бірнеше жарақатпен ауруханаға жатқызылды. Зардап шегушінің жағдайы орташа ауыр", - делінген хабарламада.
Оқиғаның басқа мәліметтері айтылмады.
